Decembro 2008

Devolto

¡Aqui estou outra vez!

(Si, xa sei que os signos de interrogación ao principio de frase non son obrigatorios. Porén, tampouco están prohibidos, así que ides ter que aturalos).

Cambiei o software da miña páxina web unha vez máis, e agora esta web é multilingüe. Non só iso, senón que tamén está en galego. Parte do traballo que hai que facer para iso do “multilingüismo” consiste en traducir a interface de usuario; é dicir, os textos que non escribín eu, senón os que veñen co programa. Como emprego Drupal, o traballo consiste, principalmente, en exportar un ficheiro .PO, editalo co kbabe e despois importalo de novo.

Dato curioso: ¿a que non sabiades que a función de importación/exportación de traducións de Drupal foi iniciada por min?

Era o ano 2003 (creo), e no traballo iamos facer unha web para un cliente empregando Drupal. Unha das condicións do traballo era que a web estivese en castelán. Drupal xa tiña soporte para traducir a interface, pero había que facer as traducións a través da web, o que era lento e incómodo. Ademáis, non era posible compartir as traducións de ningunha outra maneira máis que envorcando a base de datos nun ficheiro e restaurándoa noutra máquina.

Como xa levaba bastante tempo a traducir software libre ao galego, xa estaba afeito ao formato e as ferramentas de Gettext, así que fixen un módulo para exportar e importar traducións en formato Gettext, envieino a Drupal, eles publicárono, outra xente comezou a lle facer melloras, e finalmente integraron esa funcionalidade no Core de Drupal.

Así que, agora, cada vez que descarguedes unha tradución de Drupal e a importedes, lembrade que esa funcionalidade a introducín eu :)

Breve Currículum Vitae

Jacobo Tarrío Barreiro
Un xeneralista por educacion e convicción, son un enxeñeiro de software con experiencia en administración de sistemas. Traballei principalmente en aplicacións web e de servidor de grande escala. A miña fortaleza reside en averiguar como funcionan as cousas: enxeñeiría inversa, busca de erros e documentación.
Experiencia laboral
Google Inc. (Mountain View, California), Enxeñeiro de software – Xaneiro 2010 ata o presente.
- Infraestrutura para servir bibliotecas en JavaScript para toda a compañía, incluíndo un sistema de compilación, servidor, cargadores do lado do cliente, implementacións de bibliotecas, e guías do usuario.
- Google Gadget Server e esforzo OpenSocial.
Google Ireland (Dublín, Irlanda), Enxeñeiro de software – Xullo 2007 a xaneiro 2010
- Administración do Google File System, incluíndo gardas, e escritura de software para automatizar operacións.
- Sistema de recomendacións intelixentes para axuda en liña.
- Aplicación de apoio aos vendedores.
Allenta Consulting (A Coruña, España), Enxeñeiro – Marzo 2005 a xullo 2007
- Portais web, integrándoos con aplicacións "legacy".
- Clusters de alta dispoñibilidade, incluíndo integración de aplicacións e treinamento.
- Desenvolvemento de ferramentas de administración e redes para Linux.
Alfa21 Outsourcing (A Coruña, España), Enxeñeiro de software libre e integración – Xullo 2003 a febreiro 2005
- Portais web, integrándoos con aplicacións "legacy".
- Clusters de alta dispoñibilidade, incluíndo integración de aplicacións e treinamento.
- Desenvolvemento de ferramentas de administración e redes para Linux.
Alfa21 Outsourcing (A Coruña, España), Programador (media xornada) – Xaneiro 2003 a marzo 2003
- Pequenas aplicacións e módulos de extensión.
Estudos

Enxeñeiro en informática, Universidade da Coruña (A Coruña, España), Outubro 1997 a xuño 2003.
Proxecto fin de carreira: “Diseño e implementación de un portal basado en tecnologías grid para el acceso a recursos de supercomputación.”

Algúns proxectos de software visibles publicamente
Radio Receiver (desde outubro de 2013, publicado en xaneiro de 2014)
Unha aplicación para escoitar radio FM estéreo desde un navegador Chrome ou un ordenador ChromeBook empregando un sintonizador de TDT USB de 15 dólares.
É unha aplicación de Chrome completamente escrita en JavaScript e que pode demodular sinais de radio e reproducir o son en tempo real incluso nun Samsung Chromebook de 2012. Agora estou a lle engadir algo de código en C++ para experimentar con NaCl.
CheepCheep (desenvolvemento activo 2009-2010, agora en mantemento)
Un cliente de Twitter moi lixeiro para Android, escrito nos días de Android 2.0 cando o cliente oficial aínda non existía e os teléfonos Android eran máis lentos que hoxe en día. Xa non está en desenvolvemento activo, pero de cando en vez arranxo os problemas que van aparecendo.

Acerca de min

Nacín en 1979 en Santiago de Compostela.

Vivo en Mountain View (California), onde traballo de enxeñeiro de software para Google (pero as opinións expresadas nesta páxina web son só miñas, non da empresa para a que traballo). Se tés ganas de saber que fixen antes, teño unha versión condensada do meu currículum.

Ultimamente non actualizo moito o meu weblog; o máis tempo escribo cousas en Google+.

Se me queres enviar un email, o meu enderezo é o meu nome arroba o meu primeiro apelido punto org. Tamén podes empregar o formulario de contacto.

Legal stuff

Credits

Unless otherwise specified, all contents of this website were created by Jacobo Tarrío.

The page layout is based on the “Holy Grail” layout described by Matthew Levine at http://www.alistapart.com/articles/holygrail. Most of the mark-up is stock Drupal mark-up.

The header background image is based on “Leaf 2”, a photo published by ”A writer afoot” under the Creative Commons Attribution 2.0 Generic license at http://flickr.com/photos/60255232@N00/2865561061/.

The software used for this website is Drupal, running on top of the Apache web server and the Debian distribution of the GNU/Linux operating system.

Privacy statement

I won't sell or give away any of your data.

Terms of use

Don't be an asshole. If you are an asshole, I will take measures to force you off the site.

Quines

Quines are programs that print out their own source code. I have made some, and you might like to have a look if you know how to program.

CAPTCHAs

CAPTCHAs not only serve to let people in and keep computers out.